SIKU YA UHURU WA TANZANIA: MCHUNGAJI GEOFFREY MBWANA NAE ASHIRIKI ZOEZI LA USAFI MKOANI MOROGORO MAPEMA LEO

Mchungaji Geoffrey Mbwana 

Katika ukurasa wa facebook Mchungaji na makamu wa Kiongozi mkuu wa Kanisa la Wadventista wa Sabato Mch. Geoffrey Mbwana aliandika maneno haya.

"Asubuhi ya leo tarehe 9/12 nimesherehekea uhuru wa nchi yangu kwa KUSHIRIKI mwitao wa Rais Magufuli kwa kufanya usafi. Sherehe imenikuta nikiwa nyumbani kwa mama mzazi mjini Morogpro, Mtaa wa Vibandani. Mapema asubuhi sana nilisikia mifagio, majembe, mafyekeo, nk vikifanya kazi. Hata niandikapo bado nasikia sauti ya vitendea kazi hivyo vikifanya kazi . 

Ni kama mziki wa sauti za ndege asubuhi kunapokucha. Nilipotoka nikaona Watanzania wenzangu wakifanya kazi za usafi kwa furaha wakibadilishana busara chache hapa na pale wakionyesha walivyofurahishwa na agilizo la Raisi wetu. Ilinivutia sana na hisia za kujivunia nchi yangu zikanijaa. Nikajisikia nikijiambia mwenyewe: "Kwa namna hii TZ na Watanzania tunakuwa kielelezo na kivutio kikubwa ulimwenguni. Kwa namna hii bili ya taifa ya TIBA itapungua na fedha hizo, kwa namna ya usimamizi anaouonyesha Raisi Magufuli, zitaelekea kwenye shughuli muhimu za kuboresha maisha yetu Watanzania.' 

Sikuishia kushuhudia na kutamka hayo Bali nilikwenda mara nikachukua mfagio na reki nami nikaungana na Watanzania wenzangu kufanya usafi tena kwa furaha tele nikimuunga mkomo Raisi wa nchi yangu Tanzania."

Mwandishi mmoja nashukuru alisema "'Cleanliness is next to godliness...' Yaani Uungu na usafi vinarandana."

USAFI NA UWE MTINDO WA MAISHA. NAJIVUNIA TANZANIA SAFI NA WATANZANIA NADHIFU.

****TUMA PICHA NA VIDEO WhatsApp 0713 059 073 NA 0717 367 693***